ဟံသာဝတီယူနိုက်တက်အသင်းသည် MPT Myanmar National League 2018 အမှတ်ပေးဘောလုံးပြိုင်ပွဲအပြီး၌ အဆင့် ၄ နေရာတွင် ရပ်တည်နိုင်ခဲ့ပြီး အသင်း၏ စည်းလုံးညီညွတ်မှု ကြောင့် ယခုကဲ့သို့ အမြင့်ဆုံးရပ်တည်မှုရရှိခဲ့ခြင်းဖြစ်သည်ဟု ဟံသာဝတီ ယူနိုက်တက်အသင်း မန်နေဂျာ ဦးထွန်းထွန်းလင်းက ပြောခဲ့သည်။

ပဲခူးတိုင်းဒေသကြီး ကိုယ်စားပြု၊ မြန်မာနေရှင်နယ်လိဂ်ကလပ် ဟံသာဝတီယူနိုက်တက်အသင်းသည် ၂၀၀၉ ခုနှစ်မှ ၂၀၁၁ ခုနှစ်အထိ ဥဿာယူနိုက်တက်အသင်း နာမည်ဖြင့် ၀င်ရောက်ယှဉ်ပြိုင်ခဲ့ပြီး ၂၀၁၂ ခုနှစ်မှ စတင်ကာ ဟံသာဝတီယူနိုက်တက်ဟု အသင်းအမည် ပြောင်းလဲခဲ့သည်။ ဟံသာဝတီယူနိုက်တက်(ယခင်ဥဿာယူနိုက်တက်အသင်းသည်) ၂၀၁၁ ခုနှစ် မြန်မာနေရှင်နယ်လိဂ် အမှတ်ပေးပြိုင်ပွဲ တွင် အဆင့် ၅ ထိ ရောက်ရှိခဲ့ဖူးပြီး ၂၀၁၈ ခုနှစ်တွင် အဆင့် ၄ နေရာ၌ ရပ်တည်နိုင်ခဲ့သည့်အတွက် အသင်းသမိုင်း တစ်လျှောက် အမြင့်ဆုံး ရပ်တည်မှုအဖြစ် မှတ်တမ်းဝင်ခဲ့ခြင်းဖြစ်သည်။

”အခုလို အဆင့် ၄ ထိ ရောက်တာ ၀မ်းသာတယ်။ တစ်ခါမှ မရဖူးဘူး။ ဟံသာဝတီအသင်းက ဘတ်ဂျက်အသင်းတစ်သင်းပါ။ လက်ရွေးစင် အသင်းကြီး ကစားသမားတစ်ယောက်မှမပါဘဲ ဒီလို အဆင့် ၄ ထိ ရောက်တာ ၀မ်းသာစရာပါ။ ဒါကလဲ အားလုံးရဲ့ ကြိုးစားမှုပါ။ အသင်းမှာ ရှိတဲ့ အုပ်ချုပ်၊ နည်းပြ ၊ ကစားသမားတွေ အားလုံးကြိုးစားပြီး စည်းလုံးညီညွတ်လို့ ဒီလို ရပ်တည်နိုင်တာပါ။ ကျေနပ်ဖို့ ကောင်းပါတယ်။ နောက်ပြီး တိုက်စစ်မှူး ဂျိုးဇက်အတွက်လဲ ၀မ်းသာတယ်။ ဂျိုးဇက်က မနှစ်က M-2 မှာ စီးတီးရန်ကုန်အသင်းနဲ့ ဂိုးသွင်း အများဆုံး ကစားသမားဖြစ်ခဲ့သလို ဒီနှစ်မှာလဲ ဟံသာဝတီအသင်းနဲ့ ဂိုးသွင်းအများဆုံး ကစားသမားဖြစ်တယ်။ ဂျိုးဇက်အတွက်လဲ ၀မ်းသာပါတယ်”ဟု ဟံသာဝတီယူနိုက်တက်အသင်း မန်နေဂျာ ဦးထွန်းထွန်းလင်းက ပြောခဲ့သည်။

ဟံသာဝတီယူနိုက်တက်အသင်းသည် ယခုနှစ် MPT Myanmar National League 2018 အမှတ်ပေးဘောလုံးပြိုင်ပွဲတွင် အဆင့် ၄ နေရာ၌ ရပ်တည်နိုင်ခဲ့သည့်အပြင် ယခုနှစ် General Aung San Shield ရှုံးထွက်ပြိုင်ပွဲတွင်လည်း ဆီမီးဖိုင်နယ်အဆင့် ထိ တက်ရောက် ထားနိုင်သည်။ ရှုံးထွက်ဘောလုံးပြိုင်ပွဲ ပထမအကျော့တွင် ဟံသာဝတီအသင်းသည် အိမ်ကွင်း၌ ရှမ်းယူနိုက်တက်အသင်းကို ဂိုးမရှိ သရေကစားထားပြီး စက်တင်ဘာ ၂၆ ရက်(ယနေ့) တောင်ကြီးကွင်းတွင် ရှမ်းယူနိုက်တက်အသင်းနှင့် ဒုတိယအကျော့ ထပ်မံကစားရ မည်ဖြစ်သည်။

မြန်မာနေရှင်နယ်လိဂ်ပြိုင်ပွဲများတွင် ဟံသာဝတီအသင်း၏ ရပ်တည်ခဲ့မှုများ

                                             ခုနှစ်              ရပ်တည်မှု

၁။ ဥဿာယူနိုက်တက်         ၂၀၀၉                   ၆

၂။ ဥဿာယူနိုက်တက်         ၂၀၁၀                   ၆

၃။ ဥဿာယူနိုက်တက်         ၂၀၁၁                   ၅

၎။ ဟံသာဝတီယူနိုက်တက်  ၂၀၁၂                   ၉

၅။ ဟံသာဝတီယူနိုက်တက်  ၂၀၁၃                 ၁၁ (MNL-II သို့ တန်းဆင်းခဲ့ရ)

၆။ ဟံသာဝတီယူနိုက်တက်  ၂၀၁၅                  ၇

၇။ ဟံသာဝတီယူနိုက်တက်  ၂၀၁၆                  ၇

၈။ ဟံသာဝတီယူနိုက်တက်  ၂၀၁၇                  ၉

၉။ ဟံသာဝတီယူနိုက်တက်  ၂၀၁၈                  ၎