General Aung San Shield 2017 ပွဲများကို လာမည့်အပတ်မှ စတင်၍ ပွဲချိန်များနောက်ဆုတ် ကျင်းပမည်

General Aung San Shield 2017 ပွဲများကို လာမည့်အပတ်မှ စတင်၍ ပွဲချိန်များနောက်ဆုတ် ကျင်းပမည်

2018-01-08T17:30:59+00:00 May 12th, 2017|

၂၀၁၇ ဗိုလ်ချုပ်အောင်ဆန်းဒိုင်းဆု ရှုံးထွက်ပွဲစဉ်များကို လာမည့် အပတ် ၁၆ သင်းအဆင့် ရှုံးထွက် ပွဲစဉ်များမှ စတင်ကာ ပွဲချိန်များ နောက်ဆုတ် ကျင်းပမည် ဖြစ်သည်။

 

လက်ရှိတွင် ၂၀၁၇ ဗိုလ်ချုပ်အောင်ဆန်းဒိုင်းဆု ရှုံးထွက်ပွဲများကို ညနေ ၄း၀၀ နာရီတွင် တစ်ပြိုင်နက် ကျင်းပလျှက် ရှိရာ ရာသီဥတု ပူပြင်းခြင်းကို ရှောင်လွှဲနိုင်ပြီး အသင်းများ သက်တောင့်သက်သာ ယှဉ်ပြိုင် ကစားနိုင်စေရန်နှင့် ပရိသတ်များ အေးဆေးစွာ လာရောက် ကြည့်ရှုနိုင်စေရန် ရည်ရွယ်လျှက် ပွဲချိန်ကို တစ်နာရီ နောက်ဆုတ်ကာ ညနေ ၅း၀၀ နာရီသို့ ပြောင်းလဲကျင်းပသွားမည် ဖြစ်သည်။

၂၀၁၇ ဗိုလ်ချုပ်အောင်ဆန်းဒိုင်းဆု ရှုံးထွက်ပွဲစဉ်များကို လက်ရှိတွင် ၁၆ သင်း ရှုံးထွက်ပွဲများကို ကျင်းပနေပြီ ဖြစ်သည်။ ယခုတစ်ပတ်တွင် ၁၆ သင်း ရှုံးထွက်ပွဲများ၏ ပွဲစဉ် ၄ ပွဲကို ကျင်းပပြီးစီး သွားပြီ ဖြစ်ရာ လာမည့် အပတ်တွင် ကျင်းပမည့် ၁၆ သင်းအဆင့် ရှုံးထွက်ပွဲစဉ်များ၏ လက်ကျန် ၄ ပွဲမှ စတင်ကာ ပွဲချိန် ၅ နာရီသို့ ပြောင်းလဲကျင်းပသွားမည် ဖြစ်သည်။

မြန်မာနေရှင်နယ်လိဂ် အနေဖြင့် ရာသီဥတု ပူပြင်းမှုကြောင့် ကစားသမားများ ပင်ပန်းခြင်းနှင့် ပရိသတ်များ လာရောက်ကြည့်ရှုမှု နည်းပါးခြင်းတို့ကို ဖြေရှင်းနိုင်ရန် အတွက် လာမည့် မြန်မာနေရှင်နယ်လိဂ် ဘောလုံးရာသီတွင် မြန်မာနေရှင်နယ်လိဂ် ပွဲစဉ်များကိုပါ ပွဲချိန်နောက်ဆုတ် ကျင်းပရန် စဉ်းစားလျှက် ရှိသည်။