ဒီကနေ့ ဇန်နဝါရီ ၂၀ ရက် ညနေပိုင်းက ရန်ကုန်ယူနိုက်တက် အသင်းရဲ့ အိမ်ကွင်းမှာ ယှဉ်ပြိုင်ကစားခဲ့တဲ့ ရန်ကုန် ယူနိုက်တက်နဲ့ ဇွဲကပင် ယူနိုက်တက်တို့ရဲ့ MPT Myanmar National League 2018 ဒုတိယပတ် ပွဲစဉ်မှာ ရန်ကုန်ယူနိုက်တက်က ဇွဲကပင် ယူနိုက်တက်ကို အကြိတ်အနယ် ကစားပြီး နောက်ကျ သွင်းဂိုးတွေကြောင့် (၂-၀) ဂိုးနဲ့ အနိုင်ရခဲ့ပါတယ်။
ဒီပွဲမှာ ချန်ပီယံဆု မှန်းနေတဲ့ ရန်ကုန်အနေနဲ့ အမှားအယွင်း များခဲ့ပြီး သိပ်သည်းတဲ့ ဇွဲကပင် ခံစစ်ကြောင်းကို ကျော်ဖြတ်ဖို့ အတော့်ကို အခက်တွေ့ခဲ့ရတာပါ။ ဇွဲကပင်ကတော့ တစ်ပွဲလုံး ခံစစ်ကိုသာ အားပြုပြီး သရေတစ်မှတ် ခွဲယူဖို့ ကြိုးပမ်းခဲ့တာ ဖြစ်ပါတယ်။ ဒါပေမဲ့ ပွဲပြီးကာနီး မိနစ်တွေမှာ ဂိုးရဖို့ အသည်းအသန် တိုက်စစ်ဆင်လာတဲ့ ရန်ကုန်တိုက်စစ်ကို မထိန်းနိုင်ခဲ့တာကြောင့် အရှုံးရလဒ်နဲ့ ကြုံတွေ့ခဲ့ရတာ ဖြစ်ပါတယ်။
ရန်ကုန်အတွက် အဖိုးတန် အဖွင့်ဂိုးကို တစ်ပွဲလုံး အမှားအယွင်း များနေခဲ့တဲ့ ဆိုင်လာက ပွဲချိန် ၈၇ မိနစ် အရောက်မှာ ဇွဲကပင် ဂိုးဧရိယာထဲ ရှုပ်ထွေးနေတုန်း ကန်သွင်းယူခဲ့တာ ဖြစ်ပါတယ်။ ဒီနောက်မှာတော့ ပွဲက ရန်ကုန်အတွက် အနည်းငယ် လွယ်ကူသွားခဲ့ပြီး နာကျင်အချိန်ပို ၃ မိနစ် အရောက်မှာ ဒုတိယဂိုးကို ကြည်လင်းက သူ့အတွက် ဒဏ်ရာက ပြန်လည် သက်သာလာပြီးနောက် ပထမဆုံးဂိုးအဖြစ် သွင်းယူခဲ့တာ ဖြစ်ပါတယ်။
