မန်မာနိုင်ငံဘောလုံးအဖွဲ့ချုပ်မှ ကြီးမှူးကျင်းပလျက်ရှိသော မြန်မာနေရှင်နယ်လိဂ် အမှတ်ပေး ဘောလုံးပြိုင်ပွဲအား ပရိသတ်များ ယခုထက်ပိုမို စိတ်ဝင်တစား အားပေးလာစေရန် မြန်မာနေရှင်နယ်လိဂ်မှ ကြိုးပမ်းဆောင်ရွက်လျက်ရှိပါသည်။
ထိုသို့ကြိုးပမ်းလျက်ရှိရာတွင် တိုင်းဒေသကြီးနှင့် ပြည်နယ်များသို့ သွားရောက်၍ သက်ဆိုင်ရာ ကလပ်အသင်းတာဝန်ရှိသူများ ၊ ဒေသခံ ဘောလုံးပရိသတ်များ(Fan Leaders)၊ ဒေသဆိုင်ရာ ဘောလုံးအဖွဲ့ချုပ်များမှ တာဝန်ရှိသူများနှင့် သွားရောက်တွေ့ဆုံ ဆွေးနွေး၍ လိုအပ်သည်များကို ပေါင်းစပ်ညှိနှိုင်းပေးလျက်ရှိပါသည်။ ထို့ကြောင့် ၅ ခုမြောက် ဖန်အဖွဲ့ဝင်များနှင့် တွေ့ဆုံမှုအဖြစ် ဧပြီလ ၃ ရက်(ယနေ့) မွန်းလွဲပိုင်းက မြန်မာနေရှင်နယ်လိဂ် စီမံခန့်ခွဲရေး အရာရှိချုပ် ဦးဆူးအောင် ဦးဆောင်သည့် အဖွဲ့သည် ရတနာပုံဖန်ကလပ်အသင်း ခေါင်းဆောင်များနှင့် မြန်မာဘောလုံးအကယ်ဒမီ(မန္တလေး) ရှိ အစည်းအဝေးခန်းမ၌ တွေ့ဆုံဆွေးနွေးမှု ပြုလုပ်ခဲ့ပါသည်။
ယင်းသို့ တွေ့ဆုံရာတွင် မြန်မာနေရှင်နယ်လိဂ် စီမံခန့်ခွဲရေး အရာရှိချုပ်မှ ဘောလုံးအသင်းတစ်သင်းကို အားပေးသည့် အဖွဲ့သည် လွတ်လပ်သည့် အဖွဲ့အစည်းဖြစ်ပြီး ဖန်အဖွဲ့အနေဖြင့် ရတနာပုံအသင်းအား အားပေးမှု တစ်ခုတည်းသာ မဟုတ်ဘဲ မိမိတို့ အားပေးသည့်အသင်း ပရိသတ်ပိုမိုများပြားလာစေဖို့ ဆောင်ရွက်ရန် လိုအပ်ကြောင်း၊ အသင်းအား အားပေးရာတွင် စနစ်တကျနှင့် စည်းကမ်းတကျ အားပေးနိုင်ရန်လည်း အရေးကြီးကြောင်း၊ ထို့အတွက် အသေးစိတ် အစီအစဉ်များ ရေးဆွဲရန် လိုအပ်ပါကြောင်း မြန်မာနေရှင်နယ်လိဂ် အနေဖြင့် ယခုထက်ပိုမိုပြီး ပရိသတ်များ ကွင်းအတွင်း ရောက်ရှိလာရေးအတွက် အသင်းအားပေးသူ ဖန်အဖွဲ့များနှင့် အနီးကပ် ပူးပေါင်းဆောင်ရွက်သွားမှာ ဖြစ်ကြောင်း ပြောကြားခဲ့သည်။
မြန်မာနေရှင်နယ်လိဂ်ပြိုင်ပွဲဝင် အသင်းများကို အားပေးသည့် ပရိသတ်များအနက် ရတနာပုံအသင်း အားပေးသူ ပရိသတ်များမှာ ၎င်းတို့၏ ဒေသခံအသင်းအား အားပေးရာတွင် ထင်ရှားပြီး ယနေ့ တွေ့ဆုံဆွေးနွေးပွဲ အခမ်းအနားသို့ ဖန်အဖွဲ့ခေါင်းဆောင်များက စိတ်ရော ကိုယ်ပါ ဆွေးနွေးခြင်းများ ရှိခဲ့၍ မြန်မာနေရှင်နယ်လိဂ် အတွက် အားတက်ဖွယ်လည်း ဖြစ်ပါသည်။ ၎င်းတို့မှ ပြိုင်ဆိုင်မှုပြင်းထန်သည့် အခြေအနေများတွင် ပရိသတ်အားပေးမှုသည် အရေးကြီးကြောင်း၊ ရတနာပုံအသင်းကိုလည်း ယခုထက်ပိုမို အားပေးမှာဖြစ်ကြောင်း၊ သို့သော် အဝေးကွင်းသို့ လိုက်ပါ အားပေးသည့် အခါမျိုး၌ အခက်အခဲအချို့ရှိကြောင်း၊ ကလပ်အသင်းများ အနေဖြင့်လည်း အားပေးသည့် ပရိသတ်များအား အသိအမှတ်ပြုပေးရန် လိုအပ်ကြောင်းနှင့် နိုင်ငံတကာပွဲစဉ်များအား မန္တလေးမြို့သို့ လာရောက်ကျင်းပ ပေးစေလိုကြောင်း ပြန်လည် ဆွေးနွေးပြောကြားခဲ့ကြသည်။
မြန်မာနေရှင်နယ်လိဂ် အနေဖြင့် ပုသိမ်၊ ပဲခူး၊ စစ်ကိုင်း၊ ရှမ်း၊ မန္တလေး စသည့် မြန်မာနေရှင်နယ်လိဂ် ကိုယ်စားပြု အသင်းများ ပါဝင်ကစားလျက်ရှိသည့် ဒေသများသို့ သွားရောက်၍ မြို့နယ်ဘောလုံးအဖွဲ့ချုပ်များ၊ ကလပ်အသင်း တာဝန်ရှိသူများ၊ ဖန်အဖွဲ့ခေါင်းဆောင်များနှင့် တွေ့ဆုံညှိနှိုင်းမှုများ ပြုလုပ်လျက်ရှိပြီး ကျန်ရှိသည့် ဒေသများသို့ သွားရောက်ကာ တွေ့ဆုံညှိနှိုင်းမှုများ ဆက်လက်ပြုလုပ်သွားမည်ဖြစ်သည်။
မြန်မာနေရှင်နယ်လိဂ် အနေဖြင့် သက်ဆိုင်ရာကလပ်အသင်းများ အလိုက် စနစ်တကျ ဖွဲ့စည်းထားသည့် အသင်းအမာခံ ပရိသတ်များ(Fan Club)အဖွဲ့များကို ဖွဲ့စည်းပြီးပါက အဘက်ဘက်မှ ပူးပေါင်းဆောင်ရွက်မှုများအပြင် ပွဲစဉ်တိုင်း၌ ပိုမိုတက်ကြွ သက်ဝင်စွာ အားပေးနိုင်ရန် လိုအပ်သော ဘင်ခရာနှင့် တူရိယာပစ္စည်းများ ၀ယ်ယူနိုင်ရန် အတိုင်းတာတစ်ခုထိ ပံ့ပိုးကူညီ ပေးသွားရန်လည်း စီစဉ်ထားခြင်းဖြစ်ပါသည်။
