ဒဂုံပေါ့ကို အနိုင်ယူကာ လေးပွဲမြောက် နိုင်ပွဲရခဲ့သည့် ဧရာဝတီယူနိုက်တက်

ယနေ့ ညနေက သုဝဏ္ဏကွင်းတွင် ဒဂုံပေါ့အသင်းနှင့် ဧရာဝတီယူနိုက်တက်အသင်းတို့ ကစားခဲ့ကြပြီး ဧရာဝတီယူနိုက်တက်အသင်းက လေးဂိုး နှစ်ဂိုးဖြင့် အနိုင်ရခဲ့သည်။

ဒဂုံပေါ့အသင်းသည် ပွဲချိန် ၃၀ မိနစ်တွင် ဦးဆောင်ဂိုးစတင်ရခဲ့ပြီး ကောင်းမြတ်ကျော်က သွင်းယူပေးခဲ့သည်။ နှစ်မိနစ်အကြာတွင် ဧရာဝတီယူနိုက်တက်အသင်းမှ ချေပဂိုး ပြန်ရခဲ့ပြီး ညီညီအောင်က သွင်းယူပေးခဲ့သည်။ ပွဲချိန် ၄၃ မိနစ်တွင် ဧရာဝတီယူနိုက်တက်အသင်း ဒုတိယဦးဆောင်ဂိုးရခဲ့ပြီး ညီညီအောင်ကပင် ထပ်မံသွင်းပေးခဲ့သည်။ ပထမပိုင်းအပြီးတွင် ဧရာဝတီယူနိုက်တက်အသင်းက နှစ်ဂိုး တစ်ဂိုးဖြင့် ဦးဆောင်ခဲ့သည်။

ဒုတိယပိုင်း ပြန်လည်စပြီး သုံးမိနစ်အကြာတွင် ဒဂုံပေါ့အသင်းက ချေပဂိုးရခဲ့ပြီး မစ်ချယ်က ခေါင်းတိုက်သွင်းပေးခဲ့သည်။ နှစ်ဂိုးစီ သရေဖြစ်သွားသည့်နောက်ပိုင်းတွင် ပွဲအရှိန်ပိုမိုမြင့်တက်ခဲ့ပြီး အကြိတ်အနယ်ရှိခဲ့သည်။ ပွဲချိန် ၆၆ မိနစ်တွင် ဧရာဝတီယူနိုက်တက်က တတိယ ဦးဆောင်ဂိုးရခဲ့ပြီး ချမ်းငြိမ်းက သွင်းပေးခဲ့သည်။ ပွဲချိန် ၈၃ မိနစ်တွင် ဒဂုံပေါ့ကွင်းလယ်ကစားသမား ရဲဝင်းလှိုင်သည် နှစ်ဝါ တစ်နီဖြင့် ထုတ်ခံခဲ့ရသည်။ ဧရာဝတီယူနိုက်တက်အသင်းအတွက် အနိုင်သေချာစေမည့်ဂိုးကို ပွဲချိန် ၉၀+၁ မိနစ်တွင် အောင်ပြည့်ဖြိုးက သွင်းပေးခဲ့ပြီး ပွဲအပြီးတွင် ဧရာဝတီယူနိုက်တက်အသင်းက လေးဂိုး နှစ်ဂိုးဖြင့် အနိုင်ရခဲ့သည်။