၁၉ ကြိမ်မြောက် အရှေ့တောင်အာရှ တက္ကသိုလ်များအားကစားပြိုင်ပွဲ(ASEAN University Games 2018)ကို မြန်မာနိုင်ငံမှ အိမ်ရှင်အဖြစ် လက်ခံကျင်းပလျက်ရှိပြီး ဒီဇင်ဘာ ၁၈ ရက်(ယနေ့)ညနေ ၃း၃၀ တွင် မြန်မာအသင်းနှင့် ထိုင်းအသင်းတို့ ကစားမည့် အမျိုးသားဘောလုံးပြိုင်ပွဲဗိုလ်လုပွဲစဉ်ကို မြန်မာ့အသံနှင့် ရုပ်မြင်သံကြား (MRTV) မှ တိုက်ရိုက်ပြသမည်ဖြစ်သည်။
နေပြည်တော်၊ ၀ဏ္ဏသိဒ္ဓီကွင်းတွင် ကစားမည့် မြန်မာအသင်းနှင့် ထိုင်းအသင်းတို့ပွဲစဉ်အား MRTV အပြင် ၊ မြန်မာ့အသံရေဒီယို အစီအစဉ်၊ MRTV Sports Channel နှင့် MRTV Facebook တို့မှလည်း တိုက်ရိုက်ထုတ်လွှင့်မည်ဖြစ်သည်။ ယနေ့ နံနက် အစောပိုင်းက ကစားခဲ့သည့် တတိယနေရာလုပွဲတွင် မလေးရှားအသင်းက လာအိုအသင်းကို ပင်နယ်တီအဆုံးအဖြတ် ၅-၃ ဂိုးဖြင့် အနိုင်ရခဲ့သည်။
မြန်မာအသင်းသည် အုပ်စုပတ်လည်ပွဲစဉ်များတွင် စင်ကာပူအသင်းကို ၂-၁ ဂိုး၊ ထိုင်းအသင်းကို ၁-၀ ဂိုးတို့ဖြင့် အနိုင်ရရှိပြီး လာအိုအသင်းနှင့် တစ်ဂိုးစီ သရေ၊ မလေးရှားအသင်းနှင့် ဂိုးမရှိသရေကျခဲ့သည်။ အုပ်စုပတ်လည်ကစားပြီးချိန်တွင် မြန်မာအသင်းနှင့် ထိုင်းအသင်းတို့သည် ရမှတ် အများဆုံးရရှိခဲ့သည့် အတွက် ဗိုလ်လုပွဲ တက်ရောက်ကစားခွင့်ရရှိခြင်းဖြစ်သည်။