Week-16 ရလဒ်များနှင့် အမှတ်ပေးဇယား ရပ်တည်မှု

Myanmar National League 2024-25 အမှတ်ပေးဘောလုံးပြိုင်ပွဲ (Week-16) တွင် ရှမ်းယူနိုက်တက်၊ ဒဂုံပေါ့၊ ရတနာပုံ၊ သစ္စာအားမာန်အသင်းတို့ နိုင်ပွဲကိုယ်စီ ရခဲ့ကြသည်။

ယခုတစ်ပတ်တွင် ရှမ်းယူနိုက်တက်အသင်းသည် ရန်ကုန်ယူနိုက်တက် အသင်းကို အနိုင်ရခဲ့ သည့်အတွက် အမှတ်ပေးဇယား အဆင့် ၁ တွင် ဆက်လက်ရပ်တည်နိုင်ခဲ့ပြီး ရှုံးပွဲမရှိစံချိန်ကို ဆက်လက် ထိန်းသိမ်းနိုင်ခဲ့သည်။ အလားတူ ဒဂုံပေါ့အသင်းသည် မဟာယူနိုက်တက်အသင်းကို ၃-၂ ဂိုးဖြင့် အနိုင်ရခဲ့ပြီး ရတနာပုံအသင်းသည် ရခိုင်ယူနိုက်တက် အသင်းကို လေးဂိုး နှစ်ဂိုးဖြင့် အနို်င်ရခဲ့သည်။ သစ္စာအားမာန် အသင်း သည် ဧရာဝတီယူနိုက်တက် အသင်းကို တစ်ဂိုး ဂိုးမရှိဖြင့် အနိုင်ရခဲ့သည်။ ယခုတစ်ပတ်တွင် ISPE အသင်းနှင့် မြဝတီအသင်းတို့သည် ဂိုးမရှိ သရေကျခဲ့သလို ဒဂုံစတား ယူနိုက်တက်အသင်းနှင့် ဟံသာဝတီယူနိုက်တက်အသင်းတို့သည်လည်း တစ်ဂိုးစီ သရေကျခဲ့သည်။